برنامج محلات الذهب والمجوهرات في مصر. عيارلي مجاني.من غير تركيب، ولا اشتراك، ولا التزام.
بتدفع بس ١ من كل ١٬٠٠٠ من اللي بتبيعه: ٠٫١٪ من قيمة كل فاتورة بيع، وأقل من كده على الفواتير الكبيرة قوي.
سيب الدفتر. فاتورة في أقل من دقيقة وانت واقف على البنك: بالوزن مش بالقطعة، بسعر اليوم والمصنعية، وبتتطبع على A5 زي ما بتكتبها بالظبط. عربي من أول ثانية، وشغال حتى لو النت فصل.
شوف إزاي بيشتغلحمّل التطبيق على موبايلك أو التابلت
| البيان | العيار | جرام | ملي | الإجمالي |
|---|---|---|---|---|
| خواتم | ٢١ | ٣ | ٠١ | ١٧٬٢٠٠ |
| سلاسل | ١٨ | ١٢ | ٥٠ | ٥٨٬٤٠٠ |
فقط وقدره خمسة وسبعون ألفًا وستمئة جنيه لا غير
عيارلي في مصر
عيارلي معمول لمحلات الدهب في مصر: بتحط سعر جرام عيار ٢١ و١٨ و٢٤ بالجنيه كل صباح، والبرنامج بيحسب المصنعية على كل صنف وبيطبع فاتورة A5 فيها الوزن جرام وملي والمبلغ بالحروف. ينفع للمحل الصغير في الصاغة ولمحل المجوهرات اللي عنده أكتر من فرع، وكمان لمحلات الفضة.
السعر
عيارلي مجاني.
مش هتدفع حاجة علشان تبدأ، ولا حاجة كل شهر، ولا التزام. البرنامج كامل على كل أجهزتك، وكل اللي بناخده حتة صغيرة من اللي بتبيعه.
- صفررسوم تركيب
- صفراشتراك شهري
- صفرعلى كل جهاز أو موظف
كل اللي بتدفعه
٠٫١٪
من قيمة كل فاتورة بيع
يعني ١ من كل ١٬٠٠٠، وأقل من كده على الفواتير الكبيرة قوي. وشهر من غير بيع، مش هتدفع فيه حاجة.
هتدفع كام بجد؟
- فاتورة بـ ١٠٬٠٠٠ جنيهبتدفع١٠ جنيه
- فاتورة بـ ٥٠٬٠٠٠ جنيهبتدفع٥٠ جنيه
- فاتورة بـ ١٠٠٬٠٠٠ جنيهبتدفع١٠٠ جنيه
وده كله داخل معاه، من غير ولا مليم زيادة
- البرنامج على كل أجهزة المحل وكل فروعه
- تدريب الموظفين في المحل
- كل التحديثات أول بأول
- الدعم على واتساب لما تحتاجه
جرّبه أسبوعين ببلاش بالكامل. ولو قررت تكمل، بنظبط معاك طريقة الدفع على واتساب.
محل حقيقي باسمك فيه بضاعة وفواتير للتجربة. اسم المحل واسمك ورقم الواتساب والإيميل، وخلاص.
الطابعة والورق والحبر
البرنامج ببلاش، أما الطابعة والورق والحبر فدي حاجة منفصلة بنوفّرها علشان ما تدوّرش عليها انت.
- طابعة مظبوطة على مقاس A5
- ورق فواتير جاهز مقصوص
- حبر بنجدّده أول بأول
الجديد في عيارلي
شكل زمردي جديد، وكل أرقام يومك قدامك من أول شاشة.
شكل جديد بتبويبات
أقسام البرنامج بقت تبويبات تحت الشاشة، فكل حاجة على بعد لمسة من صباعك، بلون زمردي جديد.
مخزونك يسوى كام النهارده
على الرئيسية وفي المخزون: قيمة كل اللي عندك بسعر اليوم، كل عيار بسعر لوحتك والكسر بسعر الكسر، في رقم واحد وعيار عيار.
سعر الجرام لكل عيار
على الرئيسية تحت أرقام اليوم: سعر جرام كل عيار في لوحتك. دوس عليه يفتحلك «الأسعار».
قراءة السوق بالذكاء الاصطناعي
دوسة واحدة في «الأسعار» تكتبلك الدهب اتحرك إزاي بالجنيه وفي العالم، وإيه اللي ممكن يحصل بعد كده، ونصايح لمحلك، ومعاها لينكات الأخبار اللي اعتمدت عليها. للمعلومة بس، مش نصيحة مالية.
جرد بالوزن وبعدد القطع
اكتب الوزن اللي وزنته فعلاً، وعدد القطع لو حابب، والبرنامج يوريلك الفرق عن المسجّل قبل ما تأكد. وأي تعديل بيتسجّل باسم اللي عمله.
كل موظف يشوف اللي يخصه
البياع بيبيع ومش بيشوف المحل يسوى كام، والمدير بيفضل في فرعه. وانت اللي بتحدد مين يغيّر السعر، مين يلغي فاتورة، ومين يشوف التقارير.
إعداداتك انت
اختار الأصناف اللي تظهر في الفاتورة الجديدة، ولو عايز تكتب سعر لكل حجر لوحده.
شوف عيارلي في أقل من دقيقة
عندك في المحل دلوقتي بضاعة قد إيه؟ لأول مرة تعرف مخزونك وقيمته بسعر النهارده في أي لحظة، بالجرام مش بالقطعة. وكمان فاتورة بدوسة واحدة وجرد هادي.
من غير صوت؟ كل الكلام مكتوب على الشاشة.
ليه البرامج الجاهزة مش نافعة معاك
أغلب البرامج معمولة لمحل بيبيع قطع بالعدد. الصايغ شغله تاني خالص: مخزونه كيلو خواتم و٢١٢٠ جرام سلاسل، وسعر الجرام بيتغير كل صباح، والمصنعية بتختلف من صنف للتاني. علشان كده أغلب المحلات لسه ماشية بالدفتر، والدفتر مش بيقولك المخزون ناقص إمتى ولا بيطلعلك حساب آخر الشهر.
بالوزن، مش بالقطعة
المخزون عندك صنف ووزن، زي ما بتعدّه في الخزنة بالظبط. والعيار بيتسجّل على الحركة نفسها.
بسعر النهارده
سعر الجرام لكل عيار، والمصنعية فوقه، والخصم لو فيه — والإجمالي بيطلع لوحده من غير آلة حاسبة.
جرام وملي
خانتين زي الفاتورة الورق اللي في إيدك دلوقتي، فالموظف مش محتاج يتعلم حاجة جديدة.
اللي هتلاقيه في برنامج محل الدهب
كل حاجة بتعملها في اليوم، من أول ما تفتح لحد ما تقفل.
فاتورة في أقل من دقيقة
اختار الصنف والعيار، اكتب الوزن جرام وملي، والإجمالي يطلع من سعر اليوم. اطبع على A5 بالعربي والإنجليزي، والمبلغ مكتوب بالحروف.
مخزون بيتحدّث لوحده
كل بيعة بتنزّل الوزن من المخزون، وكل مرتجع بيرجّعه. والبرنامج مش هيسيبك تبيع وزن مش موجود عندك أصلاً.
الكسر ليه خانة لوحده
الكسر بيدخل المخزون بوزنه في خانة لوحده، بعيد عن البضاعة اللي بتتباع، وبيتعدّ في الجرد مع باقي البضاعة. بتشتريه بسند شراء لوحده، أو بتاخده من الزبون مقابل قطعة جديدة وتمنه بيتخصم في فاتورة البيع نفسها.
حساب كل تاجر وورشة
كل تاجر وورشة ليهم حساب بالجرامات، دهب أو فضة، وبالفلوس كمان: أخدت كام، ودّيت كام، وعليك كام بالظبط.
شغال من غير نت
النت فصل؟ الفاتورة بتتكتب وبتتطبع عادي، وبتترفع لوحدها أول ما الخط يرجع. والبرنامج بيقولك كام فاتورة لسه مستنية ترفع.
تعرف بعت بكام
مبيعات اليوم والشهر، وكل صنف باع قد إيه، وكل فرع شغّال إزاي. من غير ما تفتح دفتر ولا تجمع بالورقة والقلم.
على أي جهاز في المحل
كمبيوتر المكتب، تابلت على البنك، وموبايل في إيدك وانت واقف مع الزبون. نفس البيانات على التلاتة في نفس اللحظة.
الطابعة جاهزة
بنجيبلك الطابعة اللي مظبوطة على مقاس A5 ونركّبها، وبنوفّر الورق والحبر أول بأول علشان ما تقفش يوم.
إزاي بيشتغل
من أول يوم لحد ما البرنامج يبقى جزء من المحل.
- ١
افتح محلك ببلاش
من التطبيق أو الموقع: محل حقيقي باسمك فيه بضاعة وفواتير للتجربة، ببلاش لمدة أسبوعين. أو كلّمنا على واتساب ونفتحهولك.
- ٢
بنعدّي عليك
بنقعد معاك في المحل، نظبط الأصناف والعيارات والمصنعية على طريقتك انت، وندخّل معاك المخزون صنف صنف، وندرّب الموظفين في ساعة.
- ٣
بتبيع، وبتدفع ٠٫١٪ بس
لو قررت تكمل بعد التجربة، بنظبط معاك الدفع على واتساب. ومن بعدها مش بتدفع غير ١ من كل ١٬٠٠٠ من اللي بتبيعه، وإحنا موجودين على التليفون لما تحتاج.
بتشتري من مصنع؟
حسابك مع المصنع في نفس التطبيق.
لو مصنعك على عيارلي، فواتيره بتوصلك على موبايلك، واللي عليك له بيتحفظ دهب وفلوس في حساب واحد الطرفين بيشوفوه.
عيارلي للمصانع- فاتورة المصنع بتوصلك على موبايلك، وبتوزن وتستلم قبل ما البضاعة تدخل مخزونك
- حساب مشترك واحد بالدهب الصافي والفلوس، من غير مطابقة آخر الشهر
- ثبّت سعر جزء من دين الدهب اللي عليك من موبايلك
أسئلة بتتسأل كتير عن برنامج محل الدهب
لو سؤالك مش هنا، كلّمنا على واتساب ونرد عليك.
هو عيارلي ببلاش بجد؟ فين الفخ؟
أيوه، البرنامج نفسه ببلاش: لا رسوم تركيب، ولا اشتراك شهري أو سنوي، ولا فلوس على كل جهاز أو موظف أو فرع. إحنا بنكسب بس لما انت تبيع: ٠٫١٪ من قيمة كل فاتورة بيع، يعني ١ من كل ١٬٠٠٠، وأقل من كده على الفواتير الكبيرة قوي. ولو ما بعتش، مش هتدفع.
النسبة بتتحسب على أنهي فواتير؟
على فواتير البيع بس. شراء الكسر من الزباين، وحسابات التجار والورش والمصانع، مفيش عليها ولا مليم.
هدفع إزاي بعد التجربة؟
أول أسبوعين ببلاش بالكامل. ولو قررت تكمل بعدها، بنكلمك على واتساب ونظبط معاك طريقة الدفع.
لو النت فصل، المحل هيقف؟
لأ. البرنامج بيشتغل على الجهاز نفسه، فالفاتورة بتتكتب وبتتطبع عادي وانت من غير نت، وأول ما الخط يرجع بترفع لوحدها. وبيبان قدامك عدّاد بكام فاتورة لسه مستنية.
بياناتي هتبقى فين؟
على السيرفر بتاعنا في نسخة مخصوصة لمحلك لوحده، وعلى أجهزة المحل نسخة شغالة. محدش غيرك بيشوف مخزونك ولا فواتيرك.
موظفيني كبار في السن ومش بيعرفوا كمبيوتر.
تحت الشاشة تبويبات كبيرة وواضحة، وعلى الرئيسية زرار كبير للفاتورة الجديدة. والخط كبير والخانات كبيرة، والبرنامج مش بيسيب حد يكتب حروف مكان الأرقام. أغلب الموظفين بيتعلموا في ساعة.
بيحسب المصنعية إزاي؟
بتحدد مصنعية بالجرام لكل صنف، وتقدر تغيّرها على الفاتورة نفسها لو اتفقت مع الزبون على رقم تاني. والخصم بيتحط في الآخر على الإجمالي.
سعر الجرام بييجي منين؟
تقدر تكتبه بنفسك كل صباح لكل عيار، أو نوصّله بمصدر سعر السوق ونضيف فوقه النسبة أو المبلغ اللي انت محدده. الاتنين شغالين.
المرتجع بيتعمل إزاي؟
بتفتح الفاتورة القديمة وتعمل مرتجع لسطر أو لكل الفاتورة، والوزن بيرجع للمخزون في نفس اللحظة، وبتطلع ورقة مرتجع مطبوعة.
عندي أكتر من فرع.
كل فرع ليه مخزونه وترقيم فواتيره لوحده، وانت من مكانك بتشوف الفروع كلها مع بعض. وإضافة فرع جديد مش بتكلفك ولا مليم زيادة، وتقدر تخلي كل موظف في فرعه بس.
فاتورة إلكترونية للمصلحة؟
دلوقتي لأ. البرنامج بيطبع فاتورة ورق زي اللي بتديها للزبون النهارده، وبيحتفظ بنسخة عندك. لو احتجت الربط بمنظومة المصلحة بعدين نتكلم فيه.
عايز تشوفه على الطبيعة؟
كلّمنا وهنعدّي على المحل نوريك البرنامج شغّال على مخزونك انت وبأسعارك انت. والبرنامج ببلاش، يعني مش هتخسر حاجة.
حمّل التطبيق على موبايلك أو التابلت