برنامج محلات الذهب والمجوهرات في العراق. عيارلي مجاني.بدون تركيب، ولا اشتراك، ولا التزام.
تدفع بس ١ من كل ١٬٠٠٠ من اللي تبيعه: ٠٫١٪ من قيمة كل فاتورة بيع، وأقل على الفواتير الكبيرة هواية.
عوف الدفتر. برنامج مسوّى خصيصاً لسوق الذهب: يشتغل بالوزن مو بالقطعة، يحسب بسعر اليوم والمصنعية، ويطبع الفاتورة على A5 مثل ما تكتبها بالضبط. عربي من أول ثانية، ويشتغل حتى لو انقطع النت.
شوف شلون يشتغلنزّل التطبيق على موبايلك أو التابلت
| البيان | العيار | غرام | ملي | الإجمالي |
|---|---|---|---|---|
| محابس | ٢١ | ٣ | ٠١ | ٣٤٠ |
| سلاسل | ١٨ | ١٢ | ٥٠ | ١٬١٦٠ |
فقط وقدره ألف وخمسمئة دولار لا غير
عيارلي في العراق
عيارلي مسوّى لمحلات الذهب بالعراق: تحط سعر غرام عيار ٢١ و١٨ كل صبح بالدينار أو بالدولار، والبرنامج يحسب المصنعية على كل صنف ويطبع فاتورة A5 بيها الغرام والملي والمبلغ بالحروف. يناسب محل الصايغ بسوق الصاغة ومحل المجوهرات اللي عنده أكثر من فرع.
السعر
عيارلي مجاني.
ما تدفع شي حتى تبدي، ولا شي كل شهر، ولا التزام. البرنامج كامل على كل أجهزتك، وكل اللي ناخذه حصة صغيرة من اللي تبيعه.
- صفررسوم تركيب
- صفراشتراك شهري
- صفرعلى كل جهاز أو موظف
كل اللي تدفعه
٠٫١٪
من قيمة كل فاتورة بيع
يعني ١ من كل ١٬٠٠٠، وأقل على الفواتير الكبيرة هواية. وشهر بدون مبيعات ما تدفع بيه ولا فلس.
شكد راح تدفع فعلاً؟
- فاتورة بـ ٥٠٠٬٠٠٠ دينارتدفع٥٠٠ دينار
- فاتورة بـ ٢٬٠٠٠٬٠٠٠ دينارتدفع٢٬٠٠٠ دينار
- فاتورة بـ ٥٬٠٠٠٬٠٠٠ دينارتدفع٥٬٠٠٠ دينار
وكل هذا داخل ويّاه، بدون ولا فلس زيادة
- البرنامج على كل أجهزة المحل وكل فروعه
- تدريب الموظفين بالمحل أو أونلاين
- كل التحديثات أول بأول
- الدعم على الواتساب من تحتاجه
جرّبه أسبوعين ببلاش بالكامل. وإذا قررت تكمّل، نضبط وياك طريقة الدفع على الواتساب.
محل حقيقي باسمك بيه بضاعة وفواتير للتجربة. اسم المحل واسمك ورقم الواتساب والإيميل بس.
الطابعة والورق والحبر
البرنامج ببلاش، أما الطابعة والورق والحبر فهاي شغلة منفصلة، واحنا نوفّرها حتى ما تدوّر عليها إنت.
- طابعة مضبوطة على قياس A5
- ورق فواتير جاهز مگصوص
- حبر نجدّده أول بأول
الجديد بعيارلي
شكل زمردي جديد، وكل أرقام يومك گدامك من أول شاشة.
شكل جديد بتبويبات
أقسام البرنامج صارت تبويبات جوّه الشاشة، فكلشي على بعد دگة من إصبعك، بلون زمردي جديد.
شكد يسوى مخزونك اليوم
على الرئيسية وبالمخزون: قيمة كل اللي عندك بسعر اليوم، كل عيار بسعر لوحتك والكسر بسعر الكسر، برقم واحد وعيار عيار.
سعر الغرام لكل عيار
على الرئيسية جوّه أرقام اليوم: سعر غرام كل عيار بلوحتك. دگ عليه يفتحلك «الأسعار».
قراءة السوق بالذكاء الاصطناعي
دگة وحدة بـ«الأسعار» تكتبلك شلون تحرّك الذهب بعملتك وبالعالم، وشنو ممكن يصير بعدين، ونصايح لمحلك، ويا روابط الأخبار اللي اعتمدت عليها. للمعلومة بس، مو نصيحة مالية.
جرد بالوزن وبعدد القطع
اكتب الوزن اللي وزنته فعلاً، وعدد القطع إذا تريد، والبرنامج يراويك الفرق عن المسجّل قبل ما تأكد. وأي تعديل ينسجل باسم اللي سوّاه.
كل موظف يشوف اللي يخصه
البيّاع يبيع وما يشوف شكد يسوى المحل، والمدير يبقى بفرعه. وإنت اللي تحدد منو يغيّر السعر، منو يلغي فاتورة، ومنو يشوف التقارير.
إعداداتك إنت
اختار الأصناف اللي تطلع بالفاتورة الجديدة، وإذا تريد سعر لكل حجر وحده.
شوف عيارلي بأقل من دقيقة
شگد عندك هسّه بضاعة بمحلّك؟ لأول مرة تعرف مخزونك وقيمته بسعر اليوم بأي لحظة، بالغرام مو بالقطعة. ووياه فاتورة بضغطة وحدة وجرد هادئ.
بدون صوت؟ كل الحچي مكتوب على الشاشة.
ليش البرامج الجاهزة ما تنفع وياك
أغلب البرامج مسوّية لمحل يبيع قطع بالعدد. الصايغ شغله غير: مخزونه كيلو محابس و٢١٢٠ غرام سلاسل، وسعر الغرام يتغيّر كل صبح، والمصنعية تختلف من صنف لصنف. علمود هيچ أغلب المحلات بعدها ماشية بالدفتر، والدفتر ما يگلك المخزون نقص شوكت ولا يطلعلك حساب آخر الشهر.
بالوزن، مو بالقطعة
المخزون عندك صنف ووزن، مثل ما تحسبه بالقاصة بالضبط. والعيار ينسجل على الحركة نفسها.
بسعر اليوم
سعر الغرام لكل عيار، والمصنعية فوگه، والخصم إذا اكو — والإجمالي يطلع وحده بدون حاسبة.
غرام وملي
خانتين مثل الفاتورة الورق اللي بإيدك هسه، فالموظف ما يحتاج يتعلم شي جديد.
شنو راح تلگه ببرنامج محل الذهب
كل شي تسوّيه باليوم، من تفتح المحل لحد ما تسدّه.
فاتورة بأقل من دقيقة
اختار الصنف والعيار، اكتب الوزن غرام وملي، والإجمالي يطلع من سعر اليوم. اطبع على A5 بالعربي والإنگليزي، والمبلغ مكتوب بالحروف.
مخزون يتحدّث وحده
كل بيعة تنزّل الوزن من المخزون، وكل مرتجع يرجّعه. والبرنامج ما يخلّيك تبيع وزن مو موجود عندك أصلاً.
الكسر إله مكان خاص
الكسر يدخل المخزون بوزنه بمكان خاص، بعيد عن البضاعة اللي تنباع، وينحسب بالجرد ويا باقي البضاعة. تشتريه بسند شراء خاص، أو تاخذه من الزبون مقابل قطعة جديدة وينخصم سعره بنفس فاتورة البيع.
حساب كل تاجر وورشة
كل تاجر وورشة إله حساب بالغرامات، ذهب لو فضة، وبالفلوس هم: شكد أخذت، وشكد سلّمت، وشكد عليك بالضبط.
يشتغل بدون نت
انقطع النت؟ الفاتورة تنكتب وتنطبع عادي، وتنرفع وحدها أول ما يرجع الخط. والبرنامج يگلك كم فاتورة بعدها تنتظر تنرفع.
تعرف بعت بيش
مبيعات اليوم والشهر، وكل صنف باع بيش، وكل فرع شلون ماشي. بدون ما تفتح دفتر ولا تجمع بالورقة والقلم.
على أي جهاز بالمحل
كمبيوتر المكتب، تابلت على الميز، وموبايل بإيدك وإنت واگف ويا الزبون. نفس البيانات على الثلاثة بنفس اللحظة.
الطابعة جاهزة
نجيبلك الطابعة المضبوطة على قياس A5 ونركّبها، ونوفّر الورق والحبر أول بأول حتى ما توگف يوم.
شلون يشتغل
من أول يوم لحد ما يصير البرنامج جزء من المحل.
- ١
افتح محلك ببلاش
من التطبيق أو الموقع: محل حقيقي باسمك بيه بضاعة وفواتير للتجربة، ببلاش لمدة أسبوعين. أو احچي ويانا على الواتساب ونفتحه وياك.
- ٢
نضبطه على طريقتك
نجي للمحل لو نحچي وياك فيديو، نضبط الأصناف والعيارات والمصنعية على طريقتك إنت، ندخّل المخزون وياك صنف صنف، ونبقى ويا موظفينك لحد ما يتقنوه.
- ٣
تبيع، وتدفع ٠٫١٪ بس
إذا قررت تكمّل بعد التجربة، نضبط وياك الدفع على الواتساب. ومن بعدها ما تدفع غير ١ من كل ١٬٠٠٠ من اللي تبيعه، واحنا موجودين على الواتساب من تحتاج.
تشتري من مصنع؟
حسابك ويا المصنع بنفس التطبيق.
إذا مصنعك على عيارلي، فواتيره توصلك على موبايلك، واللي عليك إله ينحفظ ذهب وفلوس بحساب واحد يشوفه الطرفين.
عيارلي للمصانع- فاتورة المصنع توصلك على موبايلك، وتوزن وتستلم گبل ما تدخل البضاعة مخزونك
- حساب مشترك واحد بالذهب الصافي والفلوس، بدون مطابقة آخر الشهر
- ثبّت سعر جزء من دين الذهب اللي عليك من موبايلك
أسئلة تنسأل هواية عن برنامج محل الذهب
إذا سؤالك مو هنا، احچي ويانا على الواتساب ونرد عليك.
عيارلي ببلاش صدگ؟ وين اللعبة؟
إي، البرنامج نفسه ببلاش: لا رسوم تركيب، ولا اشتراك شهري أو سنوي، ولا فلوس على كل جهاز أو موظف أو فرع. احنا نربح بس من إنت تبيع: ٠٫١٪ من قيمة كل فاتورة بيع، يعني ١ من كل ١٬٠٠٠، وأقل على الفواتير الكبيرة هواية. وإذا ما بعت، ما تدفع.
النسبة على يا فواتير تنحسب؟
على فواتير البيع بس. شراء الكسر من الزباين، وحسابات التجار والورش والمصانع، ما عليها ولا فلس.
شلون أدفع بعد التجربة؟
أول أسبوعين ببلاش بالكامل. وإذا قررت تكمّل بعدها، نحچي وياك على الواتساب ونضبط وياك طريقة الدفع.
إذا انقطع النت، المحل يوگف؟
لا. البرنامج يشتغل على الجهاز نفسه، فالفاتورة تنكتب وتنطبع عادي وإنت بدون نت، وأول ما يرجع الخط تنرفع وحدها. ويبيّن گدامك عدّاد كم فاتورة بعدها تنتظر.
وين راح تكون بياناتي؟
على السيرفر مالتنا بنسخة خاصة لمحلك وحده، وعلى أجهزة المحل نسخة شغّالة. محّد غيرك يشوف مخزونك ولا فواتيرك.
موظفيني كبار بالعمر وما يعرفون كمبيوتر.
جوّه الشاشة اكو تبويبات كبيرة وواضحة، وعلى الرئيسية دگمة كبيرة للفاتورة الجديدة. والخط كبير والخانات كبيرة، والبرنامج ما يخلّي أحد يكتب حروف بمكان الأرقام، وأغلب الموظفين يتعلمونه بسرعة.
شلون يحسب المصنعية؟
تحدد مصنعية بالغرام لكل صنف، وتگدر تغيّرها على الفاتورة نفسها إذا اتفقت ويا الزبون على رقم ثاني. والخصم ينحط بالآخر على الإجمالي.
سعر الغرام منين يجي؟
تگدر تكتبه بنفسك كل صبح لكل عيار، أو نربطه بمصدر سعر السوق بعملتك ونضيف فوگه النسبة أو المبلغ اللي تحدده. الثنين يشتغلون.
شلون ينسوّى المرتجع؟
تفتح الفاتورة القديمة وتسوّي مرتجع لسطر أو لكل الفاتورة، والوزن يرجع للمخزون بنفس اللحظة، وتطلع ورقة مرتجع مطبوعة.
عندي أكثر من فرع.
كل فرع إله مخزونه وترقيم فواتيره وحده، وإنت من مكانك تشوف الفروع كلها سوة. وإضافة فرع جديد ما تكلّفك ولا فلس زيادة، وتگدر تخلّي كل موظف بفرعه بس.
فاتورة إلكترونية للضريبة؟
هسه لا. البرنامج يطبع فاتورة ورق مثل اللي تنطيها للزبون اليوم، ويحتفظ بنسخة عندك. إذا احتجت الربط بمنظومة الضريبة بعدين نحچي بيها.
تريد تشوفه على الطبيعة؟
احچي ويانا ونراويك البرنامج شغّال على مخزونك إنت وبأسعارك إنت، فيديو لو بالمحل. والبرنامج ببلاش، يعني ما تخسر شي.
نزّل التطبيق على موبايلك أو التابلت