برنامج محلات الذهب والمجوهرات في الأردن. عيارلي مجاني.بلا تركيب، ولا اشتراك، ولا التزام.
بتدفع بس ١ من كل ١٬٠٠٠ من اللي بتبيعه: ٠٫١٪ من قيمة كل فاتورة بيع، وأقل من هيك عالفواتير الكبيرة كتير.
خلّيك من الدفتر. برنامج معمول خصيصاً لسوق الذهب: بيشتغل بالوزن مش بالقطعة، بيحسب بسعر اليوم والمصنعية، وبيطبع الفاتورة على A5 زي ما بتكتبها بالضبط. عربي من أول ثانية، وبيشتغل حتى لو انقطع النت.
شوف كيف بيشتغلنزّل التطبيق على موبايلك أو التابلت
| البيان | العيار | غرام | ملي | الإجمالي |
|---|---|---|---|---|
| خواتم | ٢١ | ٣ | ٠١ | ٣٤٠ |
| سلاسل | ١٨ | ١٢ | ٥٠ | ١٬١٦٠ |
فقط وقدره ألف وخمسمئة دولار لا غير
عيارلي في الأردن
عيارلي معمول لمحلات الذهب في الأردن: بتحط سعر غرام عيار ٢١ و١٨ كل يوم بالدينار، والبرنامج بيحسب المصنعية على كل صنف وبيطبع فاتورة A5 فيها الغرام والملي والمبلغ بالحروف. بيناسب محل الصايغ بسوق الذهب بوسط البلد ومحل المجوهرات اللي عنده أكثر من فرع.
السعر
عيارلي مجاني.
ما في دفعة لتبلّش، ولا دفعة كل شهر، ولا التزام. البرنامج كامل على كل أجهزتك، وكل اللي إلنا حصة صغيرة من اللي بتبيعه.
- صفررسوم تركيب
- صفراشتراك شهري
- صفرعكل جهاز أو موظف
كل اللي بتدفعه
٠٫١٪
من قيمة كل فاتورة بيع
يعني ١ من كل ١٬٠٠٠، وأقل من هيك عالفواتير الكبيرة كتير. وشهر بلا مبيعات ما بتدفع فيه ولا قرش.
قديش رح تدفع فعلاً؟
- فاتورة بـ ٣٠٠ ديناربتدفع٠٫٣٠٠ دينار
- فاتورة بـ ١٬٠٠٠ ديناربتدفع١ دينار
- فاتورة بـ ٢٬٥٠٠ ديناربتدفع٢٫٥٠٠ دينار
وكل هاد داخل معه، بلا ولا قرش زيادة
- البرنامج على كل أجهزة المحل وكل فروعه
- تدريب الموظفين بالمحل أو أونلاين
- كل التحديثات أول بأول
- الدعم عالواتساب لما تحتاجه
جرّبه أسبوعين ببلاش بالكامل. وإذا قررت تكمّل، بنظبط معك طريقة الدفع عالواتساب.
محل حقيقي باسمك فيه بضاعة وفواتير للتجربة. اسم المحل واسمك ورقم الواتساب والإيميل وبس.
الطابعة والورق والحبر
البرنامج ببلاش، أما الطابعة والورق والحبر فهي شغلة منفصلة، وإحنا بنأمّنها عشان ما تدوّر عليها إنت.
- طابعة مظبوطة على قياس A5
- ورق فواتير جاهز مقصوص
- حبر بنجدّده أول بأول
الجديد بعيارلي
شكل زمردي جديد، وكل أرقام يومك قدامك من أول شاشة.
شكل جديد بتبويبات
أقسام البرنامج صارت تبويبات تحت الشاشة، فكل إشي على بعد كبسة من إصبعك، بلون زمردي جديد.
قديش بيسوى مخزونك اليوم
عالرئيسية وبالمخزون: قيمة كل اللي عندك بسعر اليوم، كل عيار بسعر لوحتك والكسر بسعر الكسر، برقم واحد وعيار عيار.
سعر الغرام لكل عيار
عالرئيسية تحت أرقام اليوم: سعر غرام كل عيار بلوحتك. كبسة عليه بتفتحلك «الأسعار».
قراءة السوق بالذكاء الاصطناعي
كبسة وحدة بـ«الأسعار» بتكتبلك كيف تحرّك الذهب بعملتك وبالعالم، وشو ممكن يصير بعدين، ونصايح لمحلك، مع روابط الأخبار اللي اعتمدت عليها. للمعلومة بس، مش نصيحة مالية.
جرد بالوزن وبعدد القطع
اكتب الوزن اللي وزنته فعلاً، وعدد القطع إذا بدك، والبرنامج بيفرجيك الفرق عن المسجّل قبل ما تأكد. وأي تعديل بينسجل باسم اللي عمله.
كل موظف بيشوف اللي إله
البياع بيبيع وما بيشوف قديش بيسوى المحل، والمدير بيضل بفرعه. وإنت اللي بتحدد مين بيغيّر السعر، مين يلغي فاتورة، ومين يشوف التقارير.
إعداداتك إنت
اختار الأصناف اللي بتطلع بالفاتورة الجديدة، وإذا بدك سعر لكل حجر لحاله.
شوف عيارلي بأقل من دقيقة
قدّيش عندك هلّق بضاعة بمحلّك؟ لأول مرة بتعرف مخزونك وقيمته بسعر اليوم بأي لحظة، بالغرام مو بالقطعة. ومعه فاتورة بكبسة وحدة وجرد هادي.
بلا صوت؟ كل الحكي مكتوب عالشاشة.
ليش البرامج الجاهزة ما بتنفع معك
أغلب البرامج معمولة لمحل بيبيع قطع بالعدد. الصايغ شغله غير: مخزونه كيلو خواتم و٢١٢٠ غرام سلاسل، وسعر الغرام بيتغير كل صباح، والمصنعية بتختلف من صنف لصنف. عشان هيك أغلب المحلات لسا ماشية بالدفتر، والدفتر ما بيقلك المخزون نقص إيمتى ولا بيطلعلك حساب آخر الشهر.
بالوزن، مش بالقطعة
المخزون عندك صنف ووزن، زي ما بتعدّه بالخزنة بالضبط. والعيار بينسجل على الحركة نفسها.
بسعر اليوم
سعر الغرام لكل عيار، والمصنعية فوقه، والخصم إذا في — والإجمالي بيطلع لحاله بلا آلة حاسبة.
غرام وملي
خانتين زي الفاتورة الورقية اللي بإيدك هسا، فالموظف مش محتاج يتعلم إشي جديد.
شو رح تلاقي ببرنامج محل الذهب
كل إشي بتعمله باليوم، من أول ما تفتح لحد ما تسكّر.
فاتورة بأقل من دقيقة
اختار الصنف والعيار، اكتب الوزن غرام وملي، والإجمالي بيطلع من سعر اليوم. اطبع على A5 بالعربي والإنجليزي، والمبلغ مكتوب بالحروف.
مخزون بيتحدّث لحاله
كل بيعة بتنزّل الوزن من المخزون، وكل مرتجع بيرجّعه. والبرنامج ما رح يخلّيك تبيع وزن مش موجود عندك أصلاً.
الكسر إله خانة لحاله
الكسر بيدخل المخزون بوزنه بخانة لحاله، بعيد عن البضاعة اللي بتنباع، وبينعدّ بالجرد مع باقي البضاعة. بتشتريه بسند شراء لحاله، أو بتاخده من الزبون مقابل قطعة جديدة وبينخصم حقّه بنفس فاتورة البيع.
حساب كل تاجر وورشة
كل تاجر وورشة إله حساب بالغرامات، ذهب أو فضة، وبالمصاري كمان: شو أخدت، وشو سلّمت، وقديش عليك بالضبط.
بيشتغل بلا نت
انقطع النت؟ الفاتورة بتنكتب وبتنطبع عادي، وبتنرفع لحالها أول ما يرجع الخط. والبرنامج بيقلك كم فاتورة لسا ناطرة ترفع.
بتعرف بعت بقديش
مبيعات اليوم والشهر، وكل صنف باع قديش، وكل فرع شغّال كيف. بلا ما تفتح دفتر ولا تجمع بالورقة والقلم.
على أي جهاز بالمحل
كمبيوتر المكتب، تابلت عالطاولة، وموبايل بإيدك وإنت واقف مع الزبون. نفس البيانات عالتلاتة بنفس اللحظة.
الطابعة جاهزة
بنجيبلك الطابعة المظبوطة على قياس A5 وبنركّبها، وبنأمّن الورق والحبر أول بأول عشان ما تقف يوم.
كيف بيشتغل
من أول يوم لحد ما يصير البرنامج جزء من المحل.
- ١
افتح محلك ببلاش
من التطبيق أو الموقع: محل حقيقي باسمك فيه بضاعة وفواتير للتجربة، ببلاش لمدة أسبوعين. أو احكي معنا عالواتساب وبنفتحه معك.
- ٢
بنظبطه على طريقتك
بنمرق عالمحل أو بنحكي معك فيديو، بنظبط الأصناف والعيارات والمصنعية على طريقتك إنت، بندخّل المخزون معك صنف صنف، وبنضل مع موظفينك لحد ما يتقنوه.
- ٣
بتبيع، وبتدفع ٠٫١٪ بس
إذا قررت تكمّل بعد التجربة، بنظبط معك الدفع عالواتساب. ومن بعدها ما بتدفع غير ١ من كل ١٬٠٠٠ من اللي بتبيعه، وإحنا موجودين عالواتساب لما تحتاج.
بتشتري من مصنع؟
حسابك مع المصنع بنفس التطبيق.
إذا مصنعك على عيارلي، فواتيره بتوصلك على موبايلك، واللي عليك إله بينحفظ ذهب ومصاري بحساب واحد بيشوفه الطرفين.
عيارلي للمصانع- فاتورة المصنع بتوصلك على موبايلك، وبتوزن وبتستلم قبل ما تدخل البضاعة مخزونك
- حساب مشترك واحد بالذهب الصافي والمصاري، بلا مطابقة آخر الشهر
- ثبّت سعر جزء من دين الذهب اللي عليك من موبايلك
أسئلة بتنسأل كتير عن برنامج محل الذهب
إذا سؤالك مش هون، احكي معنا على واتساب وبنرد عليك.
عيارلي ببلاش عن جد؟ وين الفخ؟
إي، البرنامج نفسه ببلاش: لا رسوم تركيب، ولا اشتراك شهري أو سنوي، ولا مصاري على كل جهاز أو موظف أو فرع. إحنا بنربح بس لما إنت تبيع: ٠٫١٪ من قيمة كل فاتورة بيع، يعني ١ من كل ١٬٠٠٠، وأقل من هيك عالفواتير الكبيرة كتير. وإذا ما بعت، ما بتدفع.
النسبة على أي فواتير بتنحسب؟
على فواتير البيع بس. شرا الكسر من الزباين، وحسابات التجار والورش والمصانع، ما عليها ولا قرش.
كيف بدفع بعد التجربة؟
أول أسبوعين ببلاش بالكامل. وإذا قررت تكمّل بعدها، بنحكي معك عالواتساب وبنظبط معك طريقة الدفع.
إذا انقطع النت، المحل بيوقف؟
لا. البرنامج بيشتغل على الجهاز نفسه، فالفاتورة بتنكتب وبتنطبع عادي وإنت بلا نت، وأول ما يرجع الخط بتنرفع لحالها. وبيبيّن قدامك عدّاد كم فاتورة لسا ناطرة.
وين رح تكون بياناتي؟
على السيرفر تبعنا بنسخة خاصة لمحلك لحاله، وعلى أجهزة المحل نسخة شغّالة. ما حدا غيرك بيشوف مخزونك ولا فواتيرك.
موظفيني كبار بالعمر وما بيعرفوا كمبيوتر.
تحت الشاشة في تبويبات كبيرة وواضحة، وعالرئيسية زر كبير للفاتورة الجديدة. والخط كبير والخانات كبيرة، والبرنامج ما بيخلّي حدا يكتب حروف محل الأرقام، وأغلب الموظفين بيتعلموه بسرعة.
كيف بيحسب المصنعية؟
بتحدد مصنعية بالغرام لكل صنف، وبتقدر تغيّرها عالفاتورة نفسها إذا اتفقت مع الزبون على رقم تاني. والخصم بينحط بالآخر عالإجمالي.
سعر الغرام من وين بيجي؟
بتقدر تكتبه بنفسك كل صباح لكل عيار، أو بنوصّله بمصدر سعر السوق بعملتك وبنضيف فوقه النسبة أو المبلغ اللي محدده. التنين بيشتغلوا.
كيف بينعمل المرتجع؟
بتفتح الفاتورة القديمة وبتعمل مرتجع لسطر أو لكل الفاتورة، والوزن بيرجع للمخزون بنفس اللحظة، وبتطلع ورقة مرتجع مطبوعة.
عندي أكتر من فرع.
كل فرع إله مخزونه وترقيم فواتيره لحاله، وإنت من مكانك بتشوف الفروع كلها مع بعض. وإضافة فرع جديد ما بتكلّفك ولا قرش زيادة، وفيك تخلّي كل موظف بفرعه بس.
فاتورة إلكترونية للضريبة؟
هسا لا. البرنامج بيطبع فاتورة ورقية زي اللي بتعطيها للزبون اليوم، وبيحتفظ بنسخة عندك. إذا احتجت الربط بمنظومة الضريبة بعدين بنحكي فيه.
بدك تشوفه على الطبيعة؟
احكي معنا وبنفرجيك البرنامج شغّال على مخزونك إنت وبأسعارك إنت، فيديو أو بالمحل. والبرنامج ببلاش، يعني ما في خسارة.
نزّل التطبيق على موبايلك أو التابلت